JANTOKIKO ZERBITZUA 2022/23 IKASTURTEA

 

2022-2023 Ikasturteko jantoki zerbitzua behar bezala antolatzeko berau zein ikaslek erabiliko duen jakin beharrean gaude. Printzipioz, 21/22 ikasturtean ohiko erabiltzaileak izan diren ikasleak 22/23 ikasturteko jantokiko zerrendan mantendu ditugu. Zuen seme-alabek ohiko erabiltzaile izaten jarraituz gero, EZ duzue ezer egin behar. Ohiko erabiltzailea, urte guztian jantokian geratzeko konpromisoa hartzen duena da, nahiz eta asteko egun guztietan bazkaldu ez.

 

Aurten jantokiko ohiko erabiltzailea izan denak eta jarraitzeko asmorik EZ duenak edo datorren ikasturtean jantokian izena eman nahi duenak (erabiltzaile berria)  eskolan jakinarazi beharko du.

 

Aipatutako egoeran dauden ikasleen BAJAK eta ALTAK ekainaren 30a baino lehen jakinarazi, whatsapp-ez (682893439) edo dei bidez (946166130) goizeko 9:00etatik 13:00etara. Data honetatik aurrera EZ da aldaketarik onartuko.

 

Markina-Xemeinen, 2022ko ekainaren 13an

 

 

BEKOBENTA HLHIko Zuzendaritza Taldea.

 

ZAINTZA ZERBITZUA + LIBURUTEGI ZERBITZUA + ikastaroak 2022/23

 

Kaixo, familiak:

2022/23 ikasturtean, gaur eguneko egoera errepikatzen bada liburutegi zerbitzua, zaintza zerbitzua, eta eskolaz kanpoko ekintzak normaltasunez izango dira. Lehenik eta behin, esan nahi dizuegu pasa den astean bolondresak eskatuz idatzi genuen mezuari esker liburutegia zaintzeko bolondres batzuk baditugula. Eskerrik asko, beraz, liburutegian laguntzeko izena eman duzuenoi. Gure asmoa da, gutxienez, astelehenetik ostegunera liburutegia irekita izatea 16:00-17:00 bitartean.

 

Bestalde, galdetu nahi dizuegu ea zuen seme-alabek zaintza zerbitzua erabiliko duten edo eskolaz kanpoko ekintzetan parte hartuko duten.

Zaintza zerbitzuaren ordutegia 8:00-9:30 bitartekoa izango da. Eta prezioa, 70 euro inguru hilean. %50 eko deskontua 2.eta 3. neba-arrebengatik. Betiere, izen emateen kopurua kontuan hartuta erabakiko dugu taldea sortuko den ala ez. Zaintza zerbitzua erabiliko baduzu bete, mesedez, honako formulario hau.

Zaintza zerbitzua:

https://docs.google.com/forms/d/1pC9cZ4U1qLOVxAY8ltR0w_-qj6UcaCtH7Y_lfGcSSPs/viewform?edit_requested=true

 

Eskolaz kanpoko jarduerei dagokienez, gure asmoa da hiru ikastaro eskaintzea. Ikastaroak ikasturte osoan zehar emango dira. Ikastaro horiei buruzko informazioa azpiko estekan aurkituko duzu, eta interesa badaukazue bertan eman dezakezue izena.

Eskolaz kanpoko ekintzak:

https://docs.google.com/forms/d/e/1FAIpQLSd1tiroHiQgpU19hQGAa_D1BqfxMOHU1wSw8uf_joTkD1-TXw/viewform

Zaintza eta ikastaroetan izena emateko epea: 2022ko ekainak 29a. Jaso agur bero bat. Oizpe Guraso Elkartea.